Psa 121 | TPI | STEP | Song bilong ol lain i wokabaut i go long ples bilong lotu. Mi lukluk i go long ol maunten. Tasol man bilong helpim mi bai i kamap long wanem hap?

Psalms 121

Bikpela em i wasman bilong yumi

Song bilong ol lain i wokabaut i go long ples bilong lotu.

1 Mi ^a lukluk i go
long ol maunten.
Tasol man bilong helpim mi
bai i kamap long wanem hap?
2 Bikpela ^b i bin wokim heven na graun,
em wanpela tasol
i save helpim mi.
3 Bai ^c em i no larim yu i pundaun.
Bai em i lukautim yu
na em i no save slip.
4 Harim gut.
Em i save lukautim ol Israel,
na em i no save slip liklik.
Nogat tru.
5 Bikpela em i wasman bilong yu.
Em i save sanap klostu long yu
na i was long yu.
6 San ^d i no inap kukim yu nogut,
na long nait
mun bai i no inap
bagarapim yu.
7 Bikpela ^e bai i was long yu
bai samting nogut
i no ken bagarapim yu.
Em bai i lukautim yu.
8 Taim ^f yu lusim haus
Bikpela bai i lukautim yu.
Na taim yu kam bek
em bai i was yet long yu,
nau na long olgeta taim bihain.